Video
Read full review
2021-04-13
66 views
來到鰂魚涌搵個朋友lunch行過見到呢間主打奶蓋嘅飲品店好似幾吸引一於入去試試佢！「葡萄堅果奶蓋茶 $43」佢同坊間嘅奶蓋好唔同！每啖奶蓋都充斥住有d榛子／開心果嘅味道有少少似金莎／繽紛樂，但無咁濃味～底層嘅葡萄汁雖然我要咗無糖但都飲得到葡萄嘅甜味，味道唔假！頭幾啖我無用飲管，直接喺杯邊飲層次分明，奶蓋嘅微鹹搭上葡萄汁嘅甜，好夾！之後用飲管攪勻飲，質感變得厚身少少味道依然好夾，好飲！「牛油果堅果奶 $46」牛油果呢樣健康食物近年非常盛行，我自己都好鍾意呢杯飲落去感覺比較厚身，牛油果味都幾出本身我都怕質地厚身飲落去會好濟點知飲完一啖又一啖，越飲越好味～總括而言，下次有機會一定再次光顧，尤其係牛油果！
行過見到呢間主打奶蓋嘅飲品店好似幾吸引
一於入去試試佢！
「葡萄堅果奶蓋茶 $43」
佢同坊間嘅奶蓋好唔同！
每啖奶蓋都充斥住有d榛子／開心果嘅味道
有少少似金莎／繽紛樂，但無咁濃味～
底層嘅葡萄汁雖然我要咗無糖
但都飲得到葡萄嘅甜味，味道唔假！
頭幾啖我無用飲管，直接喺杯邊飲
層次分明，奶蓋嘅微鹹搭上葡萄汁嘅甜，好夾！
之後用飲管攪勻飲，質感變得厚身少少
味道依然好夾，好飲！
「牛油果堅果奶 $46」
牛油果呢樣健康食物近年非常盛行，我自己都好鍾意
呢杯飲落去感覺比較厚身，牛油果味都幾出
本身我都怕質地厚身飲落去會好濟
點知飲完一啖又一啖，越飲越好味～
總括而言，
下次有機會一定再次光顧，尤其係牛油果！
Post
