茶茶台式料理 (Closed)

茶茶台式料理餐廳主打台式食物。裝修簡潔。而且位置方便。茶茶麻辣鍋 （牛肉小辣）- $108 追加鴨血$28，材料勁多。有菇，魚蛋，豬肉丸，枝竹，豆腐，粟米等材料。而且牛肉數量好多。湯底好惹味。鴨血亦都唔騷。鍾意食辣嘅朋友可以試下大辣。小辣相對上唔太辣。鹽酥雞扒滷肉飯 - $68，雞扒炸得好鬆軟。肉汁亦都能夠保留到係肉質入面。飯配埋滷肉可以話食到唔停口。麻辣臭豆腐（小辣) - $48，臭豆腐臭得嚟帶點香。口味貼近台灣放市嘅味道，而且熱辣辣放上枱。鍾意食臭豆腐嘅朋友唔可以錯過。荔枝氣泡洒 - $45，荔枝味重，唔太甜。汽泡酒容易入口。日月潭珍珠奶茶追加(仙草)- $31珍珠煙煙韌韌，叫左七分甜。加埋仙草。味道討好。