春禧堂台灣料理餐廳PLUS (Closed)

👫試過尖沙咀店覺得唔錯，知佢哋搬咗嚟油麻地等登嚟試下。佢哋除咗有外賣，亦有堂食座位。✨紅燒腱心牛肉麵 $48牛骨湯頭味道濃厚，仲充滿蔬菜甜味。牛𦟌半筋半肉，膠質豐富。麵條口感彈牙，可以分湯嘅話就更好。✨芋泥肉鬆吐司 $30芋泥香甜綿密，加上甜甜鹹鹹嘅肉鬆好夾。芋泥本身比較濕潤，所以整體唔會太乾身。✨經典蚵仔煎 $38粉漿真係做到喺台灣食到嘅Q軟口感。蚵仔🦪同九層塔份量都唔少。✨炸地瓜條 $28外脆內軟，可惜蕃薯🍠唔夠甜。✨芝士奶蓋火龍果茶 $38除咗火龍果嘅甜味，仲好明顯有綠茶嘅清香。奶蓋嘅鹹香味道都好出。✨紅豆抹茶鮮奶 $32抹茶🍵香甜唔苦澀，紅豆夠甜，份量又多。