綠野仙踪 (Closed)

原本打算去菓一道，點知菓一度星期日唔開，所以去咗對面綠野仙踪。尖沙咀五十幾文食到午餐來計，環境可以接受，食物質素平平，份量都可以接受。無論係鴨肉、雞扒、鴨脾，都配一坺肉燥。鴨肉、雞扒、鴨脾唔係難食，但完全無驚喜，肉燥都一樣無驚喜，唔通期望有度小月嘅質素咩，有類似嘅味道，就硬係欠咗個靈魂咁，不過算 OK 啦。(提一提大家肉燥配飯始終比湯米麵好，因為肉燥會被啲湯溝淡)飲品方面，都係預期中嘅味道。總括而言，呢度係平平無奇咁囉。