黑布小巷 (黑布街) (Closed)

本身想食午餐間餐廳好多人排隊，所以諗住食少少野醫下肚仔先，再去食個間。我醒起旺角最近新開左間台式吐司小店，好適合只係需要食少少野又唔飽既我地，一於起程。黎到都有唔少人，我地決叫一份台式肉蛋芝士吐司share食。落左單等左十分鐘左右就拎到手。呢間主要做外賣生意，係巷仔有少量座位俾你堂食，但環境當然就唔多好啦。台式肉蛋芝士吐司索價$53，吐司烘得好脆，夾住一塊薄薄既豬扒，流心蛋同芝士。賣相好吸引，醬汁甜甜地，幾好食。流心蛋好正，但會流到周圍都係，芝士溶溶地，好邪惡。不過雖然好食，但我覺得定價太高。