Video
Read full review
2021-12-16
114 views
天氣開始轉凍，又喺食火鍋嘅好時候喇！今日放工就同男友去咗旺角嘅「尚膳養顏滋補鍋」打邊爐，暖一暖個人~ 「尚膳養顏滋補鍋」喺正彌敦道，落咗地鐵行一陣就到，位置好方便~餐廳裝修古雅，環境大，枱同枱之間隔得比較開，私隱度高，坐得舒服！ 🧡尚膳養顏美人鍋拼麻辣鍋 （$188）雙拼湯底勁正，足料又大煲！唔食辣嘅朋友可以食美人鍋個邊，有好多桃膠，仲有半隻滑滑烏雞，可以美顏靚靚~麻辣嗰邊有蜂巢豆腐同鴨血，蜂巢豆腐吸咗湯底嘅辣香之後好正，個辣香味喺慢慢滲出個種，愈食愈好食！ 🧡黑松露蝦丸 （$48）滿滿黑松露味，爽口彈牙，口感一流，必點！ 🧡梅菜豬肉丸 （$40）同樣都喺好爽口，食落淡淡梅菜香滲出，推介！ 🧡四色餃子拼盤 （$82）一次過有齊4款餃子，每款兩隻，大大隻勁足料！ 🧡水晶冰菜 （$58）台式火鍋必點！一淥就可以食，口感勁得意，脆嫩爽口，入口即化！ 🧡翠絲水蓮 （$68）都係一淥就可以食，超爽脆，食落帶有淡淡蓮花香，台式火鍋必點！ 🧡蜂巢冰豆腐 （$48）麻辣鍋本身已經配有，不過唔夠喉，放入美人鍋又有另一番風味，口感好好！ 🧡爽脆黑柏葉 （$78）同平時其他餐廳俾得幾片唔同，呢到份量十足
「尚膳養顏滋補鍋」喺正彌敦道，落咗地鐵行一陣就到，位置好方便~餐廳裝修古雅，環境大，枱同枱之間隔得比較開，私隱度高，坐得舒服！
🧡尚膳養顏美人鍋拼麻辣鍋 （$188）
雙拼湯底勁正，足料又大煲！唔食辣嘅朋友可以食美人鍋個邊，有好多桃膠，仲有半隻滑滑烏雞，可以美顏靚靚~麻辣嗰邊有蜂巢豆腐同鴨血，蜂巢豆腐吸咗湯底嘅辣香之後好正，個辣香味喺慢慢滲出個種，愈食愈好食！
🧡黑松露蝦丸 （$48）
滿滿黑松露味，爽口彈牙，口感一流，必點！
🧡梅菜豬肉丸 （$40）
同樣都喺好爽口，食落淡淡梅菜香滲出，推介！
🧡四色餃子拼盤 （$82）
一次過有齊4款餃子，每款兩隻，大大隻勁足料！
🧡水晶冰菜 （$58）
台式火鍋必點！一淥就可以食，口感勁得意，脆嫩爽口，入口即化！
🧡翠絲水蓮 （$68）
都係一淥就可以食，超爽脆，食落帶有淡淡蓮花香，台式火鍋必點！
🧡蜂巢冰豆腐 （$48）
麻辣鍋本身已經配有，不過唔夠喉，放入美人鍋又有另一番風味，口感好好！
🧡爽脆黑柏葉 （$78）
同平時其他餐廳俾得幾片唔同，呢到份量十足！黑柏葉好爽脆，口感一流，超正！
🧡牛胸爽 （$138）
牛味豐富，勁爽口！
🧡追加鴨血 （首次免費）
鴨血真係好滑好香好正，男友本身喺唔食鴨血，因為怕會腥，但佢都話呢度嘅鴨血好好食，一試就愛上！
🧡蘆薈小麥草（$68）
滿滿蘆薈粒，解渴又解辣！
另外值得一提嘅係員工服務都好好，會提你唔同食材要淥幾耐先最好食，加分！
Post
