8鍋臭臭鍋 (金巴利道) (Closed)

放工後同朋友去左韓國街呢間台式一人一鍋，本身都驚餐廳會好焗好大味，點知去到環境都算寬敞，唔會好大油煙，好適合同一班朋友去食。點餐叫左香蒜牛肉鍋，台式麻辣鍋，小食就叫左鹽酥雞。個牛肉鍋都幾香，蒜味幾香濃，啱晒我呢啲重口味嘅人。😋麻辣鍋亦都夠晒辣，食材好入味，岩晒食辣既朋友。每個鍋可以選擇跟飯或粉絲，個人覺得跟飯會適合啲。鹽酥雞味道好入味，夠晒台式，再配埋台式野飲就更夾，我地分別叫左巨峰提子梳打同招牌奶茶，2杯都好好飲，奶茶唔會太甜，值得推介。