茶木‧台式休閒餐廳 (Closed)

其實都尼過好幾次茶木架啦。通常其他人就比較中意食吐司，但係我就對主食比較感興趣。今次由於係差唔多收鋪先尼到，所以就只係好趕急咁叫左一個麵，一個小食同埋一杯飲品。首先係紅燒牛肉麵。我自己其實就幾中意佢個寬麵條既，入味之餘又有咬口，牛肉又唔un，啖啖都係肉，湯底又夠味，十分推介！之後仲有寶島三小碟分別有糖心蛋，豬耳同埋炸豆腐。三樣都好正！糖心蛋個蛋黃long下long下，一啖吸左勁爽！！豬耳好爽，好有咬口，不過就有少少辣！炸豆腐好脆，中間釀左魚肉，好有口感同層次！最後仲有呢杯奶蓋烏龍清清地幾唔錯架。