馬辣台式鴛鴦火鍋 (大鴻輝(荃灣)中心) (Closed)

之前去台灣食過台式風味嘅火鍋， 到而家個味道我仲係念念不忘！今日去荃灣探朋友，順便行街買嘢，到咗晚餐時間，朋友就話依間台式火鍋好有台灣味道，我哋就決定喺呢度食晚餐啦！依度嘅價錢一啲都唔貴，而且係兩小時放題任食，除咗一般嘅火鍋配料，肉，菜，麵，仲有甜品，飲品雪糕，真係好特別！鴛鴦火鍋係唔使加錢嘅，一個價錢可以食兩個湯底，我就覺得幾抵！我哋要咗台式麻辣湯底同埋泰式冬陰功湯底，台式麻辣湯底真係好香，而且我仲見到好足料，聞落去真係有台灣火鍋嘅感覺！牛肉羊肉都係畫紙落單，其他就可以自己攞，呢度嘅選擇都幾多，餃子類嘅選擇都好多，我依個朋友係一個丸控，每次食火鍋佢都會拎好多丸類，喺呢度食真係啱晒佢！呢度仲有花膠，蛋餃，獅子狗，豬大腸，選擇真係好多好多！飲品我都幾滿意，除咗有一般嘅罐裝飲品，仲有乳酸飲品，果汁！佢嘅甜品區有，芝士蛋糕，椰子奶凍，芒果布丁，荔枝奶凍，仲有即叫即做嘅焦糖燉蛋，雪糕都有好多款，今日仲有榴槤味嘅雪糕食，朋友覺得好滿足！雪糕櫃入邊除咗有雪米糍，雪條之外，仲有粟米味嘅雪糕，其實我都係第一次食粟米味嘅雪糕，原來味道幾特別，有幾好食！兩個鐘食火鍋真係好滿足，呢度嘅選擇比我想像中嘅多好多