Video
Read full review
2021-02-18
90 views
<<Daily 豬仔尋食記👣🐖>>同妹妹今日相依為命，屋企人都有節目，我哋就去左大埔行街，年廿九，所以就買啲新衫獎勵自己😂之後行到夜媽媽， 我地餓了，打算買個外賣番去食，我地都想食啲冇咁heavy嘅嘢，就揀左八號花園個邊嘅一間台灣食！好耐冇食過滷肉飯，所以就滿心期待！😚😚我就叫咗個肥牛滷肉飯，佢滷肉嘅味道偏甜，係我鍾意口味，肥牛又切得好薄身，份量都多，牛味都好重，加上佢自己有個特製嘅蒜汁，攞嚟撈飯真係一流，我覺得就算冇咗啲餸，就咁攞個汁撈飯都好好味！同埋加兩條青菜同隻滷蛋做伴碟，食慾大增！整體味道都好好！🤤🥰妹妹就叫咗個雞絲滷肉飯，佢上面啲雞肉一啲雪藏味都冇，似係用咗嗰啲新鮮雞，好似海南雞飯或者鹽焗雞嗰種新鮮雞去做，好多時候係出面食都好驚啲雞有浸雪藏味，但係呢一個整體來講做得好好，加上啲酸菜做伴碟，令成個飯有唔同口味，又開胃咗！🥳😚之後就係佢哋蜜糖炸燒賣，佢蜜糖就另上，啲燒賣都炸到脆卜卜，裏面嘅魚肉味都好夠，有少少多麵粉，但係整體來講外脆內軟，又有蜜糖提味，配搭好好！😎😎之後就仲有個甜品係炸芋波，我同妹妹都好想食呢個，呢個真係無叫錯，雖然已經好飽，但佢外
同妹妹今日相依為命，屋企人都有節目，我哋就去左大埔行街，年廿九，所以就買啲新衫獎勵自己😂之後行到夜媽媽， 我地餓了，打算買個外賣番去食，我地都想食啲冇咁heavy嘅嘢，就揀左八號花園個邊嘅一間台灣食！好耐冇食過滷肉飯，所以就滿心期待！😚😚
我就叫咗個肥牛滷肉飯，佢滷肉嘅味道偏甜，係我鍾意口味，肥牛又切得好薄身，份量都多，牛味都好重，加上佢自己有個特製嘅蒜汁，攞嚟撈飯真係一流，我覺得就算冇咗啲餸，就咁攞個汁撈飯都好好味！同埋加兩條青菜同隻滷蛋做伴碟，食慾大增！整體味道都好好！🤤🥰
肥牛滷肉飯
9 views
0 likes
0 comments
妹妹就叫咗個雞絲滷肉飯，佢上面啲雞肉一啲雪藏味都冇，似係用咗嗰啲新鮮雞，好似海南雞飯或者鹽焗雞嗰種新鮮雞去做，好多時候係出面食都好驚啲雞有浸雪藏味，但係呢一個整體來講做得好好，加上啲酸菜做伴碟，令成個飯有唔同口味，又開胃咗！🥳😚
雞絲滷肉飯
8 views
0 likes
0 comments
特制蒜汁
2 views
0 likes
0 comments
之後就係佢哋蜜糖炸燒賣，佢蜜糖就另上，啲燒賣都炸到脆卜卜，裏面嘅魚肉味都好夠，有少少多麵粉，但係整體來講外脆內軟，又有蜜糖提味，配搭好好！😎😎
炸燒賣
3 views
0 likes
0 comments
之後就仲有個甜品係炸芋波，我同妹妹都好想食呢個，呢個真係無叫錯，雖然已經好飽，但佢外脆而且裏面煙煙韌韌，又有糯米香味同甜味，仲有啲芋泥係入邊，有少少留心！對於鍾意食芋頭嘅人係必叫！🤩一個好好味嘅配搭！而且圓轆轆個樣好靚☺️😆😆
炸芋波
3 views
0 likes
0 comments
之後飲嘢我哋就帶咗百香果綠茶，同埋水蜜桃紅茶，兩杯都好好飲，清爽，唔會有出面嗰啲好假嘅蜜桃味或者百香果味。紅茶嘅味道都好濃，如果想飲清淡啲就飲番綠茶都得！🥳
水蜜桃紅茶
3 views
0 likes
0 comments
百香果綠茶
3 views
0 likes
0 comments
主要係佢都幾平，性價比好高！所以推薦大家一班人想食嘢，可以叫好多小食share食！超級推薦🤙🏼🤙🏼🔥
Post
