227甜棧 (Closed)

中式糖水呢樣野，真係任何時候都啱食。天寒地凍，食碗熱騰騰嘅糖水，個人即刻暖返晒。就算天氣炎熱，一樣可以選擇食碗凍糖水，滋補一下。好少係香港見到有台式糖水店。呢度裝修走中國風，坐底真係有一種入到小客棧嘅感覺。除左提供一般嘅中式糖水，例如紅綠豆沙、西米露等等之外，想食豆腐花的話，係可以選擇不同口味、配料同埋個糖水底，都算幾特別。正路地選擇左白豆腐花，配手工芋圓地瓜圓同番薯，再要個普通薑汁底。芋圓亦都整得夠冧，亦仍然彈牙。薑汁底亦都算夠辣，唔會淨係得甜味。坐就唔可以話坐得好舒服，不過以味道取勝，難怪成日都客似雲來。