KiKi滷麵 (Closed)

平時去台灣都會去夜市或者車仔檔買一包滷味返酒店食 除咗滷水汁好香之外 配菜亦係一大精髓 加咗酸菜/芫荽/蔥花/蒜蓉/辣椒醬 即時提升咗個味道 所以⭐️KiKi滷麵⭐️亦都保留呢種台式口味 再新增咗滷水湯/咖喱汁/蔥油/香蔥鵝油 俾客人選擇 款款都想試 所以最後嗌咗 綜合滷水套餐 牛之選套餐 豚之選套餐同至尊滷水三重奏套餐 分別加咗香蔥鵝油、蔥油、咖喱汁 亦都有粗麵同幼麵揀最鍾意係蔥油配幼麵 加鴨血、百頁豆腐同甜不辣 呢三款材料滷得非常入味 個蔥油好香 幼麵又好煙韌 係香港都食到滿滿嘅台式風味😋最後 飲品方面可以套餐價加錢要樽裝茶飲或者手搖飲品🧋