Video
Read full review
2024-10-25
197 views
借調黎工作嘅台灣同事請求我地帶佢試下香港嘅台式食品，睇下兩地有咩口味分別。收到柯打當然要做嘢，諗起呢間。台灣嘅麻辣鴨血真係一個黃金組合，呢度有麻辣鴨血麵 ($70)，鍾情於新竹米粉，比多$5轉。花椒粒已浮現於湯上，進食米粉時要小心。麻香味幾出，辣度只係BB級。鴨血就比較細舊，口感幾煙韌，配麻辣湯一啖食又岩數喎。牛肉麵呢度有紅燒/清燉/麻辣三種口味選擇，想濃味D就叫紅燒半筋半肉麵 ($75)。筋同肉嘅份量對眼，唔係只得一兩舊。兩者都炆到夠味，啖紅燒湯香濃得黎又唔會過咸，配米粉食又係索湯恩物。捨棄鹽酥鷄，食酥炸魷魚 ($48)，即叫即炸，炸嘢要熱先好食架嘛。份量一般，炸得外面卜卜脆，魷魚爽彈唔韌，調味岩岩好，超好味。之前快閃台北無機會食到芋泥蛋餅，今餐自肥補數…………..仲要有埋肉鬆。芋泥肉鬆蛋捲餅 ($42)要上枱啦。一條切成4件，軟糯餅皮包住蛋皮，肉鬆及芋泥，味道咸咸甜甜，輕鬆易食。呢度嘅台式飲品，一杯份量超大杯，呢杯台式檸檬紅茶 ($20)及香芋鮮奶 ($32)，前者夠晒解渴; 後者飲品香滑，幾有芋香味，偶爾會食到芋頭碎，熱度甚夠，食完野仲可以一邊飲一邊傾吓計。呢一餐對於佢黎講都岩口
台灣嘅麻辣鴨血真係一個黃金組合，呢度有麻辣鴨血麵 ($70)，鍾情於新竹米粉，比多$5轉。
花椒粒已浮現於湯上，進食米粉時要小心。麻香味幾出，辣度只係BB級。
鴨血就比較細舊，口感幾煙韌，配麻辣湯一啖食又岩數喎。
牛肉麵呢度有紅燒/清燉/麻辣三種口味選擇，想濃味D就叫紅燒半筋半肉麵 ($75)。
筋同肉嘅份量對眼，唔係只得一兩舊。兩者都炆到夠味，啖紅燒湯香濃得黎又唔會過咸，配米粉食又係索湯恩物。
捨棄鹽酥鷄，食酥炸魷魚 ($48)，即叫即炸，炸嘢要熱先好食架嘛。
份量一般，炸得外面卜卜脆，魷魚爽彈唔韌，調味岩岩好，超好味。
之前快閃台北無機會食到芋泥蛋餅，今餐自肥補數…………..仲要有埋肉鬆。芋泥肉鬆蛋捲餅 ($42)要上枱啦。
一條切成4件，軟糯餅皮包住蛋皮，肉鬆及芋泥，味道咸咸甜甜，輕鬆易食。
呢度嘅台式飲品，一杯份量超大杯，呢杯台式檸檬紅茶 ($20)及香芋鮮奶 ($32)，前者夠晒解渴; 後者飲品香滑，幾有芋香味，偶爾會食到芋頭碎，熱度甚夠，食完野仲可以一邊飲一邊傾吓計。
呢一餐對於佢黎講都岩口味，咁就好啦。
Post
