小王牛肉麵 (Closed)

於奧海城閒逛，行至一期發現呢間台式食店，好似話出名食牛肉麵。但我今次並未有選擇試牛肉麵，反而試咗呢個台式肉燥滷蛋拌麵，因為自己本身幾鍾意食肉燥嘅。呢個麵係刀削麵，麵質好好煙un，有咬口，好有口感。碗麵上菜時好較夠熱,d麵唔會纏住一餅。而且多汁拌麵，汁醬咸度適中，唔太咸。肉燥都幾惹味，豬肉碎肥瘦適中，肉燥份量充足。拍青瓜切得頗大一塊，爽脆，醃得入味，帶微酸，好醒胃，不俗。反而，滷蛋不是太入味，像普通烚蛋，呢個有點兒失望。