臺北棧 (形點 I)

Open Now

Now Closed

今日同男朋友喺YOHO MALL行到攰攰地，經過見到間台灣fusion餐廳Check-In Taipei，見到Menu價錢唔貴，食物款式都算多，於是就入去食返個下午茶抖抖再行過 😌喺Menu見到蒜泥台灣水蓮呢款蔬菜，喺出面唔係成日有得食，同男朋友一於叫黎試吓先😌 碟菜上到嚟之後覺得個擺盤好特別，梗係嗱嗱聲打卡放上網啦！😎 水蓮口感爽脆，加埋啲蒜泥一齊食，濃郁惹味！😇一款蔬菜邊度夠架，再加埋🥢胡麻涼拌苦瓜🥢就啱喇！苦瓜配埋胡麻汁，感覺清新好鬼開胃！餐廳主打台式fusion，當然要叫一個泰國台式fusion菜黎試吓啦！🥙泰式肉鬆生菜包蛋餅🥙 台式蛋餅就食得多喇，泰式fusion嘅台灣蛋餅就真係未試過，食落果然有驚喜⭐️⭐️生菜好新鮮，加埋鹹鹹地嘅肉鬆同埋蛋餅，口感特別又爽甜！最後甜品就係🍮瀑布芋泥豆乳奶凍🍮  瀑布芋泥甜得嚟唔漏，豆乳奶凍加埋啲珍珠煙煙韌韌，非常特別嘅甜品，喺出面試唔到㗎！🥰總括嚟講，餐廳乾淨，fusion菜式多元化.very good 👍👍👍