Video
Read full review
2017-08-26
192 views
放假同老公去城門河輕鬆踩吓單車，去到沙田已經肚餓想食嘢，但老公話河畔花園D地舖方便泊單車，所以挨到過去先抖抖。我地揀咗九份十份，因為佢門口個餐牌上面有一張好大好大嘅相，上面有鮮果沙冰！！喺三十幾度咁熱嘅天氣下，有鮮果沙冰真係唔洗考慮，入咗去先算。食物: 老公肚餓，所以明明有下午茶餐，都照嗌紅燒牛肉麵(粗麵)，D牛肉好入味好淋，湯底香得嚟唔會成浸油喺面頭，我偷飲咗幾啖添...而粗麵老公覺得咬到牙骹軟，但我就覺得有D口感慢慢咬吓咬吓先過癮。不過我地見到隔離枱叫幼麵，好似份量多好多~我叫咗小蝦沙律吐司，嚟嘅時候好開心，佢唔單止排得好靚，仲有一杯炸薯寶。一個碟上面有好多種嘢食，個感覺好滿足。D蝦好爽口，完全估唔到咁好食，因為初時都係預計係普通料，點知食落好彈口好新鮮！我地好開心咁食咗D蝦，再放個蛋沙律上去食，一飽兩食幾得意。另外佢個沙律跟咗一樽秘製醬汁，似係黑醋+黑松露+....，幾香，少少酸好開胃，又cover到菜既青澀味。我覺得呢個set賣相靚，又有多款野食，又好味，值回票價啦! 我同老公一人加咗D錢，我叫咗野莓沙冰，老公就叫芒果沙冰。紅藍梅沙冰好足料，飲得出佢真係有落好多莓打D沙冰，而唔
我地揀咗九份十份，因為佢門口個餐牌上面有一張好大好大嘅相，上面有鮮果沙冰！！喺三十幾度咁熱嘅天氣下，有鮮果沙冰真係唔洗考慮，入咗去先算。
紅燒牛肉麵
39 views
0 likes
0 comments
食物:
老公肚餓，所以明明有下午茶餐，都照嗌紅燒牛肉麵(粗麵)，D牛肉好入味好淋，湯底香得嚟唔會成浸油喺面頭，我偷飲咗幾啖添...而粗麵老公覺得咬到牙骹軟，但我就覺得有D口感慢慢咬吓咬吓先過癮。不過我地見到隔離枱叫幼麵，好似份量多好多~
小蝦沙律吐司
19 views
0 likes
0 comments
我叫咗小蝦沙律吐司，嚟嘅時候好開心，佢唔單止排得好靚，仲有一杯炸薯寶。一個碟上面有好多種嘢食，個感覺好滿足。
D蝦好爽口，完全估唔到咁好食，因為初時都係預計係普通料，點知食落好彈口好新鮮！我地好開心咁食咗D蝦，再放個蛋沙律上去食，一飽兩食幾得意。另外佢個沙律跟咗一樽秘製醬汁，似係黑醋+黑松露+....，幾香，少少酸好開胃，又cover到菜既青澀味。我覺得呢個set賣相靚，又有多款野食，又好味，值回票價啦!
野莓沙冰
12 views
0 likes
0 comments
我同老公一人加咗D錢，我叫咗野莓沙冰，老公就叫芒果沙冰。紅藍梅沙冰好足料，飲得出佢真係有落好多莓打D沙冰，而唔單單係溝色素糖水，好fresh。
芒果沙冰
19 views
0 likes
0 comments
不過飲咗一啖老公嘅芒果沙冰，我就決定將佢據為己有！芒果味超濃，好易入口，又有大大粒芒果，無紅藍梅咁酸。老公話，唔知有無落芒果糖醬嚟打沙冰，不過我唔理，因為佢打得好好飲，所以好快就清咗杯芒果沙冰。
什果雪糕鬆餅
24 views
0 likes
0 comments
老公飽飽，但係我覺得踩單車咁辛苦，點都要獎勵一下自己，所以叫咗下午茶鮮什果雪糕鬆餅。個鬆餅好脆，面頭好似雞蛋仔咁脆脆的，但鬆餅入面好似雞蛋糕，每一啖都有飽滿嘅感覺，唔係食空氣，好好味。
老公話飽但都食咗一半！埋單嘅時候價錢略貴 (因為兩個人叫咗三樣嘢，貴都係正路…)，但佢嘅食物質素真係唔錯。
環境:
幾多位，坐得幾舒服，佈置都幾靚。下午茶時間黎，都6成客，証明應該都係區內街坊食堂之一。
服務:
落單上菜速度正常。可能因為環保，清水要自己向職員索取，遞上的是冰水，在大熱天時真係啱晒。
整體侍應都友善細心，特別要讚下侍應哥哥，見到隔離枱有個小妹妹，哥哥好主動咁拎咗套膠餐具出嚟，好貼心。而我和老公兩個食甜品，侍應姐姐亦準備埋兩隻小碟，細心之舉。
Post
