阿賢麵線 (Closed)

美居中心的地舖有不少小店，午饍時間每每都見好多中學生光顧。 中學生都識幫襯，睇來應該平靚正。天氣開始轉熱，想買杯飲品解解渴，路過阿賢麵線，見珍珠奶茶只需14蚊！！咁平！！出面閒閒地都差唔多30蚊杯！試試先！等候期間發現原來舖頭係一個台灣人開。 台仔（阿賢）娶左個香港太太，由於太太好鐘意台灣的小食，阿賢就學整、之後再開埋呢間台式愛情小店。 咁真係「真」台灣風味喎等左3分鐘左右，珍奶就到手了。杯野唔會太多冰～唔會得奶味而無茶味！亦唔算過甜。 珍珠口感唔錯，好彈牙呀！ 但珍珠稍嫌無乜味。 （可能依家好多舖頭都用黑糖珍珠，所以顯得呢間的珍珠無咁甜咁好食。）如果想平平地，呢間都係唔錯的選擇。14蚊，都okay呀。