段純貞牛肉麵 (MONTEREY Place)

Open Now

Now Closed

放假陪阿女去將軍澳行吓街，順便去Monterey Place的Donki買野，在商場門口見到有段純貞牛肉麵招牌，原來在地庫開咗間，段純貞牛肉麵是台灣新竹人氣牛肉麵店，來港開咗幾間分店都大受歡迎，今日咁啱嚟到，梗係唔好錯過啦！餐廳裝潢以木為主，環境高雅。燉濃湯雞麵：燉湯濃郁香甜，雞髀肉十分嫩滑、肉質鮮嫩！麵條可以揀手工麵/細麵，我揀左細麵，麵條索哂濃郁雞湯好入味又彈牙。蒜香手撕雞乾拌麵：材料有手撕雞、花生、蒜蓉、香蔥同溏心蛋等，麵條就揀左細麵，口感都唔錯，醬汁鹹香惹味。傳統滷豬腳蘿蔔：味道咸甜適中，豬腳腍身好入味。古早台灣腸：口感紮實，嚼勁十足，煙韌多汁。芒果甘露剉冰：用料有金柚肉、芒果汁、西米珠、芒果、仙草。一口品嚐感受層層堆疊出不同風味，吃得到香甜的芒果果肉、尤其係西米珠用芒果汁製成，咬爆了滿口芒果汁，香甜美味，甘柚果肉酸酸地，剉冰有多層次的豐富口感，讓人一吃就上癮！古早黑糖剉冰：份量十足，有芋泥、黑蜜、芋圓、薏仁、綠豆、珍珠、花生粉。材料十分豐富，每口都有黑糖甜味！