Video
Read full review
2024-06-30
171 views
已經好耐無去過台灣啦🥺最掛住台灣嘅食物，所以今日決定要去食餐台灣菜一解相思之苦😋捐窿捐罅終於比我搵到喺尖沙咀亞士厘道附近一間都幾full，要排隊嘅台灣餐廳試試🍴餐廳唔大，座位都比較近，全場都full，不過佢哋好貼心會比一個枱邊嘅掛鉤你放袋👍🏻一坐低就可以scan QR code睇下menu有咩啱食🤤佢哋主打係各種唔同款式同部位嘅紅燒牛肉麵🐂我哋叫咗三寶牛肉麵(牛筋，牛肋條，牛腱)加配半份涼拌麻辣豬大腸同半份涼拌麻辣牛腱頭再跟餐叫咗杯檸檬冬瓜茶($139)，另外仲試埋佢哋嘅牛筋丸牛肉麵加配半份百頁豆腐同半份滷甜不辣，跟餐叫咗一支可樂($106)🤪之後見到好多枱都有叫一個滷肉燙青菜($28)所以都唔執輸叫埋啦🤣我哋一次過就試晒佢哋所有部位嘅牛肉，每一款都煮得好入味同埋柔軟，但係啲肉仲係好滑，完全唔會有出邊一啲餐廳係整到食唔到有咬唔開嘅情況出現💯💯佢哋個湯底係標榜堅持一定唔會落味精，純粹靠秘製獨家手法一直熬足咁多個鐘去出味，係集合咗所有材料嘅精華😋一路食麵一路飲，原來成碗湯都已經飲晒😂另外幾款小食都好特別，比傳統台灣嘅小食做得更精緻但係又保留到台灣嘅獨特口味👏🏻例如佢哋兩份麻辣嘅小食都kee
餐廳唔大，座位都比較近，全場都full，不過佢哋好貼心會比一個枱邊嘅掛鉤你放袋👍🏻一坐低就可以scan QR code睇下menu有咩啱食🤤佢哋主打係各種唔同款式同部位嘅紅燒牛肉麵🐂我哋叫咗三寶牛肉麵(牛筋，牛肋條，牛腱)加配半份涼拌麻辣豬大腸同半份涼拌麻辣牛腱頭再跟餐叫咗杯檸檬冬瓜茶($139)，另外仲試埋佢哋嘅牛筋丸牛肉麵加配半份百頁豆腐同半份滷甜不辣，跟餐叫咗一支可樂($106)🤪之後見到好多枱都有叫一個滷肉燙青菜($28)所以都唔執輸叫埋啦🤣
我哋一次過就試晒佢哋所有部位嘅牛肉，每一款都煮得好入味同埋柔軟，但係啲肉仲係好滑，完全唔會有出邊一啲餐廳係整到食唔到有咬唔開嘅情況出現💯💯佢哋個湯底係標榜堅持一定唔會落味精，純粹靠秘製獨家手法一直熬足咁多個鐘去出味，係集合咗所有材料嘅精華😋一路食麵一路飲，原來成碗湯都已經飲晒😂
另外幾款小食都好特別，比傳統台灣嘅小食做得更精緻但係又保留到台灣嘅獨特口味👏🏻例如佢哋兩份麻辣嘅小食都keep到令你條脷麻麻哋但係仲食到牛腱頭或者大腸本身嘅味道😌另外百頁豆腐軟硬適中，唔會硬過舊磚或者一pat咁👍🏻同埋滷甜不辣都好煙韌，但係又唔黏牙，所有年齡層嘅人都一定會好鍾意🤩
最後當然要食埋台灣嘅經典滷肉，雖然唔係配飯但係原來配青菜食一樣咁好味😝而且唔會有太多肥肉，清清地但係又有少少肉粒，成碟菜又得咗🤤
Post
