台南皇麵線 (Closed)

每次去到台灣夜市必定會食碗麵線，以前旺角都會一間好正，可惜已經執咗。終於等到香港再有一間麵線店，台南皇麵線嘅味道同台灣夜市好相近，其實我都支持左接近一年了，怇地嘅質素一直都幾好。不過今次食，味道雖然keep到，但麵線份量就少咗。以前食一個細碗麵線都會飽，今次好似淨係飲咗碗湯咁。麵線嘅配料由以前嘅筍絲，今次變咗做脆嘅一條條，我自己就比較鍾意荀絲。不過辣菜甫依然有水準，辣辣地好過癮。如果你揀咗要辣，佢哋每一碗都會落少少辣油。但我自己覺得落咗辣油風味同台灣有啲唔同，所以我每次都叫佢走辣油。