茶語

Open Now

Now Closed

太耐冇去旅行，好掛住台灣嘅嘢食。台灣嘅肉燥飯、鹽酥雞同埋蛋餅，都係我嘅至愛，再加埋杯珍珠奶茶，簡直一流。呢間係我平時去開食嘅台灣店，佢哋嘅肉燥飯瘦肉偏多，啱我最唔鍾意食肥肉嘅人。門面細細，但係佢都有三個出入口，去到商場下面一啲都唔難搵，舖頭入面都唔係好多位，大概坐到十幾張枱。 Menu大概分為主食同小食，煮食就係雞翼豬扒配肉操飯或米線，小食類就係食蛋餅或者炸燒賣。叫咗一個雞翼肉燥飯同豬扒肉燥飯，飯係用珍珠米，配有半隻滷水蛋同肉燥，上枱時熱辣辣，雞翼同豬扒炸到外脆內軟，豬扒好淋好易入口同咬開，雞翼好大隻。另外整咗個青瓜配木耳，青瓜同木耳都好爽口，配埋秘製醬汁好開胃。最後加多杯珍珠奶茶，珍珠份量好多，好彈牙，奶茶少甜。