茶點

Open Now

Now Closed

大埔小店不嬲都多，今日就試吓呢間台灣小店～極度懷疑同上次食嗰間係姊妹舖哈哈🤣🤣🤣餐牌上面都有面有飯去選擇！不過嚟得食台灣野梗係想試佢啲肉燥㗎啦～嗰日實在太肚餓冇食晏晝嘅關係，忍唔住一個人叫咗成枱野真係好誇張🤣🤣佢前菜送咗一個麻醬生菜，不過不失啦～首先嘅係肉燥拼炸豬扒米線!豬扒大大份感覺係啱啱炸起～所以新鮮熱辣辣！但我覺得佢好似揸得燶咗少少～搞到佢有少少縮咗水同埋有啲乾🤔反而個肉燥米線就煮得啱啱好,彈牙唔會太淋！肉燥都十分之香口份量都多～正常女仔都夠飽啦！滷水鴨腎～我估呢度應該有三四隻鴨腎！滷水好入味，鴨腎煙煙銀銀好有口感！來到我最期待嘅地瓜球！ 因為疫情咁耐冇去過台灣最掛住就係地瓜球！呢一間同台灣嘅有啲唔同，台灣嗰啲其實個皮好薄而且冇咁多麵包糠喺上面！呢一間就感受到佢裹過一啲炸粉，但都唔算厚而且入面嘅芋泥好厚實！入口嗰下感覺好綿密！好食～最後加一杯芒果牛奶酸酸甜甜～好似甜品咁