稻埕飯店 (V Point) (Closed)

呢間餐廳裝潢簡約得來帶點時尚，而且餐廳好寬敞，座位與座位之間鬆動，好適合三五知己聚下傾吓計，慢慢品嚐美食。台灣係我疫情前經常去嘅地方，台灣菜真係百吃不厭，而且呢間餐廳嘅滷肉飯，同喺台灣食到嘅一樣😍 一解旅遊癮。🍽滷肉台稉米飯滷肉肥瘦均勻，加上冬菇滑溜嘅口感同特色調味，仲有溏心蛋蛋黃熟度完美拿捏！🤤 係台灣嘅感覺啊！將滷肉同白飯拌勻，令人不禁地一啖接一啖地食❤️👍🏻🍽滿滿骨膠原豬手菜如其名，真係滿滿嘅骨膠原，個嘴食到漿住左，而且仲煮得好淋好入味。係酒樓食豬手/豬腳往往都有好多毛，欣賞餐廳處理得好好。🍽薑母麻油燉雞湯冬天飲薑母燉雞湯簡直一流，非常之暖身，而且飲落有少少回甘味停留係舌頭，值得一試。🍽胡椒三星蔥肉包肉包有滿滿嘅胡椒味，但都蓋唔住三星蔥嘅香味，同台灣嘅蔥椒煎餅好似😍略嫌個脆皮煎得唔夠耐，仲有水氣淋左🙈🍽桂圓紅棗杞子芋圓湯圓甜品都可以好養生！桂圓紅棗杞子煮成嘅糖水，帶一點點酸味，中和反芝麻餡湯圓嘅甜味。芋圓嘅Q彈Q彈，非常之有咬口。🍹 時令水果茶、黑糖珍珠奶蓋朋友叫咗水果茶，滿滿嘅水果，有士多啤梨、火龍果、香橙等等。而我就叫左邪惡嘅黑糖珍珠奶蓋，珍珠煮得非常之軟糯，味道同手搖店嘅一樣