Video
Read full review
2021-11-17
165 views
好耐無去D2，發現開左間新舖頭賣飯糰，同平時三角形既飯糰唔同，見佢幾新奇所以就去試下。飯糰大約$30-$45左右，加$13有飲品/小食，加$20就兩樣都有，叫set都算抵。小食款式都幾特別，有麻糬波波，薯條竟然係明太子薯條！飲品豆漿比較多，啱晒我😍。🔅明太子干貝酥 ($45)見佢係夏季新品，同埋佢明太子好似唔錯所以就試下。一定要讚個明太子醬超好食🤤！啲醬應該係燒過黎，好香又夠多醬，同個飯糰好夾。干貝酥都炸到好香，加埋蛋同午餐肉，其實份量都幾多，女仔一定夠晒飽，所以價錢等於一個飯都算合理。🔅咖哩可樂餅 ($38)呢個比較普通，咖哩係日式咖哩口味偏甜。雖然幾特別但個人覺得咖哩+可樂餅+飯團唔算夾，但可樂餅見佢係日本進口，同埋份量可以見到係極厚，所以都會加番分。🔅黑芝麻豆漿豆漿味好濃，好香豆味，黑芝麻味都勁重！可以見到杯豆漿係一粒粒細細點芝麻，總之就係超正！如果鐘意黑芝麻既朋友仔必試😎。🔅日式抹茶豆漿對比之下就失色啲，唔係唔好飲🙈，但抹茶同豆漿唔算好夾，建議all in 黑芝麻就得🤣。🔅日式炸雞 (蜂蜜芥末醬)炸雞比較乾身，炸粉唔算厚但雞都比較細粒。蜂蜜芥末得蜂蜜味無咩芥末味。下次應該會試麻
明太子干貝酥
$45
33 views
0 likes
0 comments
見佢係夏季新品，同埋佢明太子好似唔錯所以就試下。一定要讚個明太子醬超好食🤤！啲醬應該係燒過黎，好香又夠多醬，同個飯糰好夾。干貝酥都炸到好香，加埋蛋同午餐肉，其實份量都幾多，女仔一定夠晒飽，所以價錢等於一個飯都算合理。
咖哩可樂餅
$38
28 views
0 likes
0 comments
呢個比較普通，咖哩係日式咖哩口味偏甜。雖然幾特別但個人覺得咖哩+可樂餅+飯團唔算夾，但可樂餅見佢係日本進口，同埋份量可以見到係極厚，所以都會加番分。
黑芝麻豆漿
22 views
0 likes
0 comments
豆漿味好濃，好香豆味，黑芝麻味都勁重！可以見到杯豆漿係一粒粒細細點芝麻，總之就係超正！如果鐘意黑芝麻既朋友仔必試😎。
🔅日式抹茶豆漿
對比之下就失色啲，唔係唔好飲🙈，但抹茶同豆漿唔算好夾，建議all in 黑芝麻就得🤣。
🔅日式炸雞 (蜂蜜芥末醬)
炸雞比較乾身，炸粉唔算厚但雞都比較細粒。蜂蜜芥末得蜂蜜味無咩芥末味。下次應該會試麻糬波波😝。
💬雖然飯糰價錢唔算平，但份量其實都幾多，同埋見佢寫好多食材都係日本空運直送，如果對食材有要求既朋友可以黎試下呢間👍🏻。另外值得一提staff話午餐肉可以免費轉素既午餐肉，我望番係做緊promotion去到12月31日😍，免費轉都幾抵，又方便素食人士，抵讚👍🏻。
Post
