台北巷弄 (Closed)

呢間台灣餐廳嘅甜品超好味！今次叫咗兩個甜品同埋一個小食。仙草2號呢個甜品入邊有仙草凍，芋圓，紅豆同綠豆。可能因為係外賣嘅關係賣相雖然唔係咁靚但係非常足料！入邊有最少六至七粒芋圓，好多紅豆同綠豆！仙草凍非常滑溜，好鍾意呢個口感！紅豆幾綿蜜，好甜！食完之後完全愛上仙草，下次你一定要試吓加咗芋泥嘅仙草凍！紅豆3號呢個同仙草系列嘅甜品差唔多，佢唔係糖水而係紅豆湯。紅豆3號特別嘅地方係加咗椰奶。芋圓一樣係咁多，口感煙韌，仲食到少少芋頭粒，好正！宜蘭三星蔥餡餅 總共有兩件三星蔥餡餅，佢煎到外脆內軟，好多肉汁，三星蔥味好香！如果佢可以有多啲三星蔥就好啦！鍾意食蔥嘅人一定會鍾意食呢個餡餅。