古早味台灣原味 (Closed)

呢晚同朋友想食台灣野，咁係銅鑼灣附近就搵到呢間叫古早味既台式餐廳，距離地鐵站都幾近，3分鍾路程，上到去估唔到原來星期一都要等位，咁等左一陣我地就入座了，呢間係一間環境唔錯既台式餐廳。餐廳餐牌:餐廳餐牌既選擇非常多，基本上平時你想食既台灣野，你都會係古早味呢間餐廳搵到，個人覺得小食同飲品都吸引，好適合一班人黎叫勁多Share。宜蘭蔥餡餅 $28呢個宜蘭蔥餡餅幾質感幾特別，佢有小小似生煎包，但係內裡係超多蔥，個人覺得味道不錯，不過係有小小油，喜歡油炸食物既人一定會鍾意呢個宜蘭蔥餡餅。蚵仔煎 $52呢個蚵仔煎係我覺得成晚最驚喜既小食，其實古早味既蚵仔煎唔係傳統味道既蚵仔煎，佢係有蛋餅既味道，咬落去味道口感都勁似蛋餅，蚵仔既份量都夠，真係幾唔錯。珍珠奶茶 $18珍珠奶茶味道正常，價錢都還可以，珍珠軟硬度適中，平時食親台式餐廳，我覺得一定要飲下珍珠奶茶！古早味牛肉面 $65古早味牛肉面超好味，牛肉有3塊，超入味，紅蘿蔔都好軟口，一咬就分得開。