春禧堂台灣料理餐廳PLUS (Closed)

今日工作好忙，唯有叫外賣做晚餐，今晚試下春禧堂。我哋兩個人食，叫咗紅燒腱心牛肉麵（純牛骨湯）、芋泥肉鬆吐司、蚵仔煎、麻辣鴨血同飲品，夠晒有台灣風味 🇹🇼 佢嘅紅燒腱心牛肉麵好好味，腱心牛肉好有咬口，可能係慢煲牛肉，佢嘅肉質非常juicy，牛肉麵非常彈牙，用意粉嘅角度就係al dente ，而佢嘅牛骨湯都好鮮甜🍜個芋泥肉鬆吐司好惹味，芋泥同肉鬆好夾，係下午茶嘅首選🥪我哋再叫麻辣鴨血及蚵仔煎。蚵仔煎嘅蠔仔好大隻，份量又多，好味，真係抵食🍳🦪麻辣鴨血嘅麻辣好惹味，又有啲芋絲，好襯鴨血嘅咬口，種麻辣有好多層次，但唔會食到好𢲡喉咁🌶肥牛配上酸菜湯好配合味道，雞肉，好嫩滑，牛肚好有咬口😋我哋叫了杯蜜桃烏龍蘆薈及百香果錫蘆薈，清熱及好飲，真係令人食指大動，美味無窮🥰下次我想試吓惹味牛腩麵、濃湯餃子同埋芝士肉鬆司😋😋總括嚟講，雖然係外賣但絕對冇影響食物嘅質素，例如啲麵冇腍啤啤咁，同佢準備得好快，所以好適合繁忙日子去食。我會遲啲搵次試下堂食，應該會更加正🤪