八時神仙草 (厚福街)

Open Now

Now Closed

厚福街新進場台灣仙草冰，前排夜晚見好多人排隊，今次就係晚市時間前先入去試吓！我哋嗌咗佢兩款甜品！第一款係白苦瓜愛玉嫩仙草盛盤。白苦瓜薄片食落會有回甘，相信鍾意食苦瓜嘅朋友會好喜歡！佢嘅仙草好特別，比平時嘅冇咁黑食落好滑嫩，唔會過甜，再配上愛玉好好食另外佢有附送芋圓，芋圓相信係自家製，比平時嘅有口感，芋頭味都比較濃，咬落又煙靭有驚喜！上面嘅紅豆都唔會過甜好食另一款嘅甜品係芋泥芒果奶蓋雪花盛盤外型好靚，上面有大大嚿奶同大粒芒果果肉，跟住再下面就係奶蓋，佢用咗特別嘅整法將奶蓋重現喺雪花冰上面最後重點就係要講佢嘅雪花冰，並唔係普通嘅雪花冰，雪花冰入邊會帶有仙草，而仙草係同雪花冰完全融合，令到雪花冰食落有好綿密嘅感覺，又有淡淡嘅仙草味，加上甜度剛剛好，就咁食佢嘅仙草雪花冰已經好好食