喵一下 (Moved) New Location

今日嚟到PMQ，見到依間台灣小店，裝修得好靚。有啲復古嘅電視同埋書做擺設。如果喺冇乜人嘅時間來，可以慢慢影吓相。叫咗紅燒牛肉麵套餐。套餐唔包野飲，所以要左杯水。所有嘢食都會用一個餐盤上，紅燒牛肉套餐包三個前菜，另外有一個辣醬，一碗麵，同一碗牛肉。可以將啲面擺落個牛肉度就會比較濃味，好似食緊日本沾麵。參考其他blogger會將碗牛肉連湯汁倒落個碗清湯麵。不得不提牛肉同牛筋都煮到好淋好入味而且份量好多，牛肉有兩大塊，牛筋大概都有四塊。我認為店家好細心，因為有啲人可能食唔到咁辣，所以將個辣醬分開放。另外其中一款前菜係酸酸甜甜嘅番茄仔，好開胃。