滷友記 (加路連山道) (Closed)

銅鑼灣鬧市轉角車仔麵店，主打台灣滷水。店面裝修企理，人流唔多，尚算闊落。招牌麻辣滷水米粉，已經包括左唔同嘅配菜，例如台灣嘅甜不辣，蜂巢豆腐，蘿蔔等等。滷水唔會過鹹，辣到適中，蜂巢豆腐索晒啲湯汁，非常入味。蘿蔔清甜冇渣，非常大件，鍾意食蘿蔔嘅朋友一定要試。另外叫咗一碗牛肉做主打嘅滷味，包括牛筋，牛𦟌及牛肚。呢一碗滷水冇加辣，滷水湯頭可以飲用。如果覺得湯唔夠辣或者唔夠味，可以加入每張枱上面都有嘅辣醬，辣醬偏向台式。