牛大人台灣火鍋吃到飽 (瓊華中心) (Moved) New Location

相信大家對呢間都唔陌生，港島九龍都有分店，主打120分鐘台灣火鍋吃到飽，湯底有10款選擇，客人可因應牛嘅品種選擇套餐，夜晚到訪人山人海，想食嘅記得一定要book位呀！極上和牛套餐多咗SRF美國黑牛後腿肉、安格斯牛小排、一口牛、封門柳等，大大力推介澳洲和牛M5 牛肩卷，薄切，入口即化，點埋秘製醬汁真係好好味，係回本之選🐮海鮮類幾出色，海蝦大隻，鮮甜肥美，肉厚多汁、鯛魚同鯇魚片滑溜溜、漿類就推黑松露海鮮，牛肉同花枝味、而餃子都係台灣直送，印象深刻嘅有燕餃、蝦餃同瓜仔雞🥟平時覺得丸子好唔抵，所以都唔點食，今次真係一試難忘，紫芋卷軟綿綿，餡料好多，滿足感max，唔覺唔覺食咗好多粒、芝麻同花生麻吉燒同湯圓差唔多，可以當作甜品食～ 整體炸物脆身微熱，個人最鍾意小香腸、魚香皮蛋豆腐同老油條！自助區仲有蔬菜，另類同飲品，響鈴個樣唔多好睇但估唔到咁脆，強烈建議可以點埋肉燥食，鹹香味十足，超正！飲品有常見嘅亦有自家製嘅，最好飲係鴨屎香檸檬茶，飲落清甜甘爽、第二名係金桔椰果同酸梅汁，前者甜甜滋味，帶有咬口、後者酸酸may may，十分開胃、最後仲有雪糕，讚啊😆