Video
Read full review
2021-05-26
278 views
有啲餐廳唔係你話想食就食到，皆因佢哋人氣超高，訂枱請早，「安平燒肉」就係其中一間。上網得知佢係牛大人嘅燒肉版，令我抱好大期望😜。我同朋友都係食肉獸，呢日大家一齊攞咗假中午嚟吃到飽！餐廳位於旺角創興廣場，樓層面積大，座位寬躺，枱面亦夠大，放廿碟肉都無問題🤣。呢度嘅設計係可以令人好舒服咁食放題，衛生環境又夠乾淨。安平燒肉🔥🥩提供四個級別嘅120分鐘任食套餐，由平至貴包括原住民鹽燒豬肉(38款)、安格斯嫩牛(57款)、SRF黑牛(74款)以及澳洲M5和牛(81款)。概括而言就係價錢越貴，款式越多，食材越高質。我哋叫咗最貴嗰個「澳洲M5和牛吃到飽」套餐，💡17:30前離座每位承惠$358，星期五六日就再加$20。餐廳嘅上菜速度好快，而且亦無出現漏單嘅情況👍。純粹我哋為食兼好肚餓，先至大滿貫咁一次過嗌咗好多。不過其實每款肉都係得幾片，所以我哋全部食晒㗎，輕鬆KO，無做大嘥鬼👻。凡惠顧M5和牛餐嘅客人會獲贈一客兩條嘅嚴選牛舌芯👅，肉質比起一般片裝嘅細嫩。就我而言，食燒肉即係食燒「牛」肉，我哋差唔多食匀哂咁多款牛🐮。唔到你唔信，最貴個餐先有得食嘅幾款牛係最好食，零舍不同！佢哋包括澳洲M5和牛肩胛肉、
有啲餐廳唔係你話想食就食到，皆因佢哋人氣超高，訂枱請早，「安平燒肉」就係其中一間。上網得知佢係牛大人嘅燒肉版，令我抱好大期望😜。我同朋友都係食肉獸，呢日大家一齊攞咗假中午嚟吃到飽！
餐廳位於旺角創興廣場，樓層面積大，座位寬躺，枱面亦夠大，放廿碟肉都無問題🤣。呢度嘅設計係可以令人好舒服咁食放題，衛生環境又夠乾淨。
安平燒肉🔥🥩提供四個級別嘅120分鐘任食套餐，由平至貴包括原住民鹽燒豬肉(38款)、安格斯嫩牛(57款)、SRF黑牛(74款)以及澳洲M5和牛(81款)。概括而言就係價錢越貴，款式越多，食材越高質。我哋叫咗最貴嗰個「澳洲M5和牛吃到飽」套餐，💡17:30前離座每位承惠$358，星期五六日就再加$20。
餐廳嘅上菜速度好快，而且亦無出現漏單嘅情況👍。純粹我哋為食兼好肚餓，先至大滿貫咁一次過嗌咗好多。不過其實每款肉都係得幾片，所以我哋全部食晒㗎，輕鬆KO，無做大嘥鬼👻。凡惠顧M5和牛餐嘅客人會獲贈一客兩條嘅嚴選牛舌芯👅，肉質比起一般片裝嘅細嫩。
就我而言，食燒肉即係食燒「牛」肉，我哋差唔多食匀哂咁多款牛🐮。唔到你唔信，最貴個餐先有得食嘅幾款牛係最好食，零舍不同！佢哋包括澳洲M5和牛肩胛肉、安格斯牛小排同護心肉。前面兩款嘅油脂同肉味特別強，我哋Encore咗。
唔係每款牛都有用上紙條介紹，所以有部份我唔係好分到🙈。不過我嘗試睇返手機落單入面嘅圖片，大致上都能配對。我認為牛肋條、牛仔骨、牛舌同牛柳粒嘅辨認度比較高，味道亦較有特色。但其實冇邊款係差，全部都好。
SRF黑牛餐：SRF極黑牛肩胛肉、SRF極黑一口牛
SRF黑牛餐：嚴選牛仔骨、秘制牛肋條
SRF黑牛餐：三角牛肩肉
SRF黑牛餐：山椒牛柳丁(無洋蔥嗰款) (另外嘅係護心肉同老虎雞翼)
安格斯嫩牛餐：安格斯牛板腱、嚴選牛舌、厚切上選牛腹肉
安平私房牛腹肉
16 views
0 likes
0 comments
黑椒洋蔥牛舌
11 views
0 likes
0 comments
非牛肉嘅肉我哋都要咗幾款，例如原住民鹽燒肉、咖喱味西班牙豬五花、薑汁厚切雪花豬同老虎雞翼等。🐷豬肉類唔錯，特別係原住民嗰款腩肉脂肪夠厚，燒完仲好多汁，記得要沾蒜醋食。
台灣小枕頭
10 views
1 likes
0 comments
餐廳主打燒肉，所以海鮮選擇唔多，但幸好食材新鮮。我哋要咗爽彈虎蝦同燒帆立貝，兩樣都大大隻，其中虎蝦超正，肉質爽彈🦐。
用錫紙杯裝住嘅食材，只需放喺爐邊燒至湯汁發滾即可，食用非常方便！圖中嘅四款由左至右數起，分別係麻辣一口鮮貝、奶油金菇、起司鵪鶉蛋以及絲瓜煮蜆。🌶麻辣味道強勁，但又好「麻」，令人又愛又恨。金菇比較普通，而鵪鶉蛋就非常邪惡🍳。絲瓜煮蜆味道清甜，蜆本身應該熟咗，因為一開始已經開咗殼。
自助食材區主要擺放適合燒烤嘅蔬菜🌽，我哋拎咗唔係好多，只有粟米、杏鮑菇同鳳梨，呢幾樣嘢真係好啱燒嚟食🈴。另一邊廂，雪櫃入面竟然收埋一條士林小香腸，唔好睇肉腸其貌不揚，都幾好食㗎。
除咗燒烤外，餐廳仲提供台灣夜市小吃🇹🇼，我哋嗌咗其中兩款試下，包括安平炸蚵卷同澎湖花枝排。炸物好有水準，估計係新鮮熱辣炸起，所以溫度夠熱，外皮亦都脆。🦑花枝排真材實料，口感唔粉。炸蚵卷並無太重蠔味，正常發揮。
櫻花蝦乾伴手工麵
11 views
0 likes
0 comments
檸檬愛玉
3 views
0 likes
0 comments
飲品方面，當然唔少得餐廳自家冷泡嘅無糖茶🍵，我相信食過牛大人嘅對佢唔會陌生。除咗大雪櫃外，仲有三款飲品可以喺App落單，我哋要咗百香果綠茶同埋冬瓜茶，兩杯都好飲，特別係後者，而且嗌咗少冰少甜後，真係唔會甜到起啖。
每枱放有一個「安平四沾汁」調味架🧂，四款汁醬包括安平黃金醬(甜)、檸檬汁(酸)、辣椒醬(辣)同特調醬油(鹹)，每款各有唔同作用。我最鍾意黃金醬，甜甜哋幾清新，佢係由蔬菜汁同台灣麻醬製成。
總括嚟講，喺安平燒肉開餐帶畀人好大嘅滿足感💯，選擇超多超繽紛，真正能吃到飽😋。個人認為比起打邊爐出色，因為更加食到肉嘅美味。唔想食咁貴可以考慮中間嗰兩個餐，其實啲牛肉質素都係合格以上。聽人講晚市食等位要等好耐，如果好想食，不妨試吓午市嚟幫襯吧。
Post
