小王牛肉麵 (Closed)

之前去完台灣，念念不忘台灣既牛肉麵。返黎香港，口痕既時候，就走去近年先開既小王牛肉麵，頂一頂下個台灣癮。呢間係說是正宗的台灣牛肉麵專問店。以寫紙仔形式落單。除咗牛肉麵，其他款式都好多。講明係要頂台灣癮，當然係要黎食返個招牌牛肉麵。就算係牛肉麵，呢度都有分幾種。有半筋半腩、都有全腩等等。咁我就當然食返個半筋半腩啦。份量都還OK，與價錢相比，都算相宜。個湯，很有台灣感，不會太咸，也算不錯，值得一讚。仲有，筋部份唔會好肥，所以個湯唔會油笠笠的。筋很彈牙，而腩肉部份，係用上牛𦟌的腩位。中間有著Juicy的筋在中間，腩肉很鬆化軟腍。牛味濃郁，入口半化。以香港黎講，食到台灣味的牛肉麵，很不錯了！