茶茶台式料理 (Closed)

既然飛唔到去台灣就揾間台式料理食個下午茶飲杯台式飲品滿足一下自己。旺角食肆有好多但大多數都係餐廳比較細坐得迫，依間台式料理樓底高及有落地玻璃，感覺開陽。下午茶套餐選擇多鹽酥雞扒炸得鬆脆，雞扒嫩滑，灑上少許淮鹽好香口。滷肉不會夾雜太多肥膏唔油膩，珍珠米煙韌。麻辣湯底味濃，好香花椒八角味，粗麵煙韌。貢丸香菇味濃、肥腸夠肥無臭豬味、牛展夠淋。套餐加$15有台式小香腸兩條，香腸燒得香脆，內裡有肉汁。跟餐飲品大杯，香芋珍珠奶茶香芋味及奶茶味濃，珍珠甜味適中非常煙韌。滿杯百香果有大量百香果籽，百香果及茶味濃，點了小糖(25%)甜味剛剛好。