湊湊火鍋‧茶憩 (如心廣場二期)

Open Now

Now Closed

係台灣打邊爐，係我食過最好食嘅邊爐，今次係香港食到台灣味嘅邊爐。好，坐低睇吓有咩好食先。岀面係自助調味料區，白飯任裝。台式麻辣鍋+燕麥龍蝦鍋，麻辣夠香夠辣，龍蝦鍋真係有半隻龍蝦係裡面架！山海一盤，一放上枱已經好震撼，成個仙境咁樣，海鮮除左色澤新鮮，帶子、鮑魚食落好爽好鮮甜，帆立貝大隻又厚肉。加拿大松阪豬，豬肉嘅質地係係爽肉，間住一條條嘅脂肪，但食落口柔軟得黎唔覺膩，正！鴨血同鹵豆腐係任添㗎！大白菜，菜量好多，抵食。西瓜沙冰，食到熱熱地，飲番個沙冰，爽晒！梅子茶凍，仲有甜點送，甜甜地有啲似大菜糕，好清涼。