好好便當 (Closed)

搵食搵到黎鰂魚涌～ 星期日lunch時段經過呢間店，睇見門口外牆佈置以大大個Menu作主題，見唔駛排隊即刻入去坐底開餐。 睇睇Menu,主食麵同飯都幾多選擇，飯類有8款，麵有6款。飯餐包埋罐裝飲品。 今次點左以下野食⬇️ 🔹️香酥排骨香菇滷肉便當 $58🔹️滷雞翼肉燥乾拌烏冬 $46起初以為呢個價錢分量會好細，一上檯真係唔相信，兩份主食分量都好大。值得一提～肉燥整得好好味，撈飯／撈麵一流，肉燥汁係甜甜地架，好開胃令人想一食再食！ 飯／麵都配上大大舊高麗菜，夠晒健康。🔹️蒜香豆腐 $28炸得非常出色，外脆內軟夠香口，蒜香味道與豆腐的淡淡口味好夾，$28／9件，抵食。 🔹️台式小吃拼盤 $68 （台灣腸、墨魚腐皮卷、炸花枝丸、蒜脆杏鮑菇、鹽酥雞）份量優勝👍5款小吃，鹽酥雞有6件、杏鮑菇6件、台灣腸一條、墨魚腐皮卷3件、花枝丸3粒。特別推介鹽酥雞～炸完還能保留肉汁响裡面，夠晒juciy，味道剛好。蒜脆杏飽菇～呢樣小食外面好少有，外觀以為係炸豆腐，咬落口先知原來係菇，蒜味濃與杏鮑菇鮮甜味道溶合，口感不錯。 價格💰叫左成檯野，3位埋單$200，抵食夾大件，值得回頭。