三喜家 (Closed)

花甜果室終於開左啦～～！！（早兩日摸門釘....）不過夜晚8點半去到，得返幾款野飲可以揀咋！鮮奶賣晒～我最想試嘅粉紅色系「芭比情歸何處」無晒！好啦！揀返杯紫色系列嘅「星空藍莓冰果樂」$38 係有藍莓、紅莓、橙、乳酪，砌到星空咁樣有層次，勁靚！完全抓住少女心呀！！味道方面，呢幾樣睇落好似會唔夾嘅野，原來又幾夾架喎！仲食到有細細嘅果碎，好天然，酸酸地好解渴呀，下次再黎試下其他靚野先～最近天氣熱飲呢個岩晒呀！