古早牛肉麵 (Closed)

而家開番晚市，可以約朋友出黎食飯喇～ 好耐無去過旅行，好掛住台灣，我地不如先係香港食台灣茶吊下癮。我地黎到呢間餐廳食飯，叫左兩款主食、兩款台式飲品同一款小食。三牛薈湯麵內有牛腱、牛筋、牛肚，三款都煮得好入味又腍，牛筋一啲都唔黐牙湯底對於台底牛肉麵黎講係相當重要，呢碗牛肉麵嘅湯底有好濃郁嘅藥材味，入口有少少甘香嘅味道，做得幾唔錯麵質好滑又彈牙，掛湯力麵幾好。香酥炸豬扒湯麵豬扒即叫即炸，送到上黎仲係熱辣辣，食落外層香脆，而且仲有肉汁，豬扒好易咬又大塊而湯麵嘅湯底同同麵都係同牛肉麵一樣，如果唔想食牛肉，都可以一試呢款麵。台式小香腸台灣腸係我最鍾意嘅台式小食，呢度嘅台灣腸油脂味幾豐富，如果有埋蒜片提供就更好喇～叫左麵食，再叫飲品，可以減4蚊。.黑糖珍珠奶茶（少甜、少冰）黑糖味好重，珍珠幾易咬，亦都有跟足我地要求，做到少甜少冰，茶底整得唔錯，茶味好香濃，唔會只係得個「甜」字，入口仲有茶香。檸檬愛玉（少甜、少冰）之前食左咁多野，叫杯檸檬愛玉就岩哂，酸酸甜甜夠哂開胃，愛玉啫喱軟腍腍，好易就吸到。