燈籠滷味 T.P.E. (M88) (Closed)

未有得去台灣旅行，想食台灣菜止下癮，朋友介紹我哋試吓呢間台灣菜，佢話好有台灣夜市風味，一於放工同老公去試吓先。門口已經見到很多台灣夜市嘅招牌，入到餐廳見到很多台灣獨有嘅標語，恍如置身於台灣夜市中。我哋一坐低就見到有一款限量推介嘅蔗香台式牛肋條冬粉，一於試吓，果然冇令人失望，有三條大嘅牛肋條，炆得入味而且好林，冬粉爽口彈牙而且吸晒湯底精華，可能湯底有甘蔗嘅關係，好清甜，配上芫荽同埋冬菇一齊食好正，值得推介👍🏻另外我哋叫咗秘傳滷雞翅膀滷肉飯，有四隻大雞翼，雞翼有肉汁而且炆得入味，滷蛋都幾香，底部仲墊左好多椰菜同埋粟米粒解一下油膩，滷肉飯都唔錯，滷肉好香口送飯一流，最後想食啲小食，點咗奶油芋泥肉鬆起司蔥抓蛋餅卷，外脆內軟嘅手肘蛋餅，內裏既芋泥香甜幼滑，配上肉鬆起司，味道非常之正。呢間餐廳果然好有台灣風味，食物質素好又坐得舒服，之後都想同朋友再嚟試吓其他食物。