台食館 (獨立大廈)

Open Now

Now Closed

行過油麻地被台食館門口美食相片吸引，疫情下冇得飛台灣掃夜市，唯有食台灣野頂下癮😅。坐落環境尚算舒服（可能是平日下午茶時段客人不多），服務方面早已聽聞麻麻地，實地考察果然，姐姐落單態度有待改善唯有食物味道補返數。好鍾意佢個芋泥肉鬆蛋餅，芋泥唔會太甜蛋餅有蛋味，口感唔錯，整體味道配合得好好。滷肉湯麵不過不失，套餐含三個小食，我就揀了涼拌青瓜、夜市香腸、花支丸。每款得一粒不過幾好味。難得條台灣香腸唔肥唔油，再加＄15叫多碟香腸來食，今次有埋生蒜片，好有台灣味。應會再來試埋佢個芋泥肉鬆多士，希望到時姐姐態度好啲。