古早味原住台灣 (Closed)

好buddy約食生日飯，選了尖沙咀台灣野「古早味 -原住台灣」，之前係黃埔分店試過覺幾好味想再試，今次叫唔同既菜式。位置好方便，約人容易，尖沙咀地鐵站H出口，Isquare出口上來，見到對面莎莎樓上就係 「古早味原住台灣」。3人食叫了櫻花蝦荷葉飯、一口蟹 （黃埔間軟殼蟹較好味）、花枝蝦排、蚵仔煎，宜蘭蔥餡餅及花雕雞都好食，份量較小碟，可叫多幾款美食。幸好價錢都經濟，廿幾蚊起，消費滿$2xx仲有8折👍飲品都有特色，最搞笑係果枝啤酒（浮光精釀）勁多泡湧出黎🤣有果香，易入口，食熱氣野送啤酒清熱解渴🍺 紫薯黑糖鮮奶$31，加珍珠$3都好好味，紫薯味好香，黑糖珍珠都好煙韌咬感十足👍😋 朋友飲芝士桂花烏龍茶就覺得芝士味不夠香濃。間餐廳環境舒適，三五知己可以傾計，因為有酒飲或台灣飲品，最好係周末黎輕鬆一會。