稻埕飯店 (V Point) (Closed)

上半年度工作順利， 同事們想約埋一齊食飯開心下。於是就去銅鑼灣V Point 稻埕飯店食餐好嘅。餐廳位於地庫， 搭架扶手電梯落去後， 以為自己去左酒吧， 餐廳裝修得好華麗， 好多打卡位， 門口重放置左好多酒類， 啱哂一班好酒之徒。是日午餐話梅小山藥蟹肉蛋白泡泡脆米金湯燒香金鑽鳳梨芭樂安格斯牛小排 八斗子炒飯Cocktail 咖啡微醺話梅小山藥 山菜浸滿話梅的酸甜味， 山藥好爽口， 味道清新， 做前菜一流。蟹肉蛋白泡泡脆米金湯， 非常吸晴的湯， 雪白的蛋白做成一個波型， 廚師功力頂級， 個金湯重鮮味到不得了， 鮮蝦， 搖柱，蟹肉等等，完全溶入個湯裡面， 超精彩。燒香金鑽鳳梨芭樂安格斯牛小排 ， 用台灣鳳梨的爽甜，中和返安格斯牛小排的油份， 牛小排嫩滑香口， 入口即溶。八斗子炒飯， 炒飯粒粒分明， 配上香口肉鬆， 份外好味。 配上新鮮彈牙大蝦， 新鮮度夠哂。Cocktail 咖啡微醺， 呢款Cocktail 好特別， 有Vodka + Kahlua + Expresso混合， 飲到有咖啡香濃味， 配上香醇美酒， 簡直係perfect match。餐廳有好多款式的美酒，下次可以慢慢品嚐。