西門町台灣麵食 (Closed)

旺角通菜街西門町呢間台灣美食店係一間超過廿年嘅老字號， 佢著食物絕對有水準。 今日就嚟到食下， 店舖唔算大但係乾淨寬敞。 裝修行傳統中式風格。睇完餐牌， 我哋叫咗個二人套餐。 二人餐可以有四款主食揀，第一款我哋決定要北投怪味雞， 感覺好大碟，應該有三分一隻雞， 配麻辣醬十分惹味， 而且係冷盤凍食十分爽口。第二款我哋叫咗香芒沙拉鳳尾蝦， 炸蝦卷配芒果醬感覺幾清新又開胃，酸酸甜甜，而且蝦肉爽口。第三款我哋叫咗五味山珍，係有青瓜絲雲耳， 紅蘿蔔絲等等嘅冷盤， 味道爽脆清甜。第四款就係每人可以揀 一個飯或者麵。朋友要咗肉燥米粉，而我就叫咗擔擔麵。兩個都好好食特別 擔擔麵佢嘅花生醬惹味又唔留。最後我哋兩人都叫咗杯嘢飲， 我叫咗個朱古力雪香， 是朋友就叫咗柑桔檸檬綠茶， 兩杯都好好飲。