Video
Read full review
2022-02-04
611 views
六兩三平日下晝行過宜昌街，都會比六兩三既裝修吸引到。餐廳門口好似日本既拉麵店，而入面既裝修就行木系風格。餐廳唔算好大，但疫情期間，兩個人都係坐四人枱，所以都幾餐桌都幾寬敞。牛肋條麵牛肉麵湯底比較清淡，但本身六兩三都標榜冇味精既湯底，清清地反而唔錯。牛肉個樣就好韌，但咬落竟然係好滑好冧，而且肉味幾香。而麵係類似手打既，麵比較粗身，食到最後都唔會因為吸咗湯而冧晒。滷肉飯本身見佢28蚊，諗住佢都唔會好大碗。點知一黎到，比我想像大碗好多。滷肉飯既豬肉肥瘦分明，肥肉既油脂味好香，而瘦肉為滷肉飯增添口感。而滷肉汁唔會死咸，有少少甜味，味道幾平衡。而白飯係類似珍珠米，就算有過多油脂同汁都唔會令成碗飯濕淰淰，好食。甜不辣口感非常煙韌，但唔會好似香口膠咁咬唔開，配上酸酸甜甜既醬汁，好開胃！
平日下晝行過宜昌街，都會比六兩三既裝修吸引到。餐廳門口好似日本既拉麵店，而入面既裝修就行木系風格。餐廳唔算好大，但疫情期間，兩個人都係坐四人枱，所以都幾餐桌都幾寬敞。
牛肋條麵
牛肉麵湯底比較清淡，但本身六兩三都標榜冇味精既湯底，清清地反而唔錯。牛肉個樣就好韌，但咬落竟然係好滑好冧，而且肉味幾香。而麵係類似手打既，麵比較粗身，食到最後都唔會因為吸咗湯而冧晒。
滷肉飯
本身見佢28蚊，諗住佢都唔會好大碗。點知一黎到，比我想像大碗好多。滷肉飯既豬肉肥瘦分明，肥肉既油脂味好香，而瘦肉為滷肉飯增添口感。而滷肉汁唔會死咸，有少少甜味，味道幾平衡。而白飯係類似珍珠米，就算有過多油脂同汁都唔會令成碗飯濕淰淰，好食。
甜不辣
口感非常煙韌，但唔會好似香口膠咁咬唔開，配上酸酸甜甜既醬汁，好開胃！
Post
