大公雞 (Closed)

葵涌呢邊都好多office，餐廳選擇都多，呢間大公雞都有好多唔同種類嘅台灣嘢食食，坐窗口邊仲可以望到大街人來人往添！🚗🍴台式雞脾古早肉燥飯 ＄60呢隻雞脾好正，大大隻滷水完仲好貼心切開一舊舊，岩曬我。肉燥飯甜甜地唔會油膩，不知不覺會食好多，配一隻勁入味嘅滷蛋。🍴花枝丸 （六粒）＄42平時去台灣其中一樣最鍾意嘅小食就係炸花枝丸啦，雖然呢個唔係椒鹽，但泰式辣醬酸甜夠開胃，花枝丸夠彈牙，炸粉唔厚。🍴奶蓋朱古力 ＄15加15就有特飲飲，係冇手搖店咁好飲，朱古力係一般茶餐廳飲到嘅，奶蓋偏甜，咸嘅更正！