點·子·巷

Open Now

Now Closed

我本人好喜歡吃台灣菜，今日同家姐行街，無意中經過一條橫街，見到一間食台灣菜嘅小店，佢嘅位置不太起眼，我見咁有緣份俾我發現 見到，於是就同姐姐入去試下。坐下後我哋點咗一個紅燒辣牛腩配船家湯河＄58，一上枱已經聞到香噴噴嘅牛腩香，蜜濃嘅湯底，鮮甜至極，牛腩紅燒得非常入味，辣得零舍醒胃，河粉夠爽滑，最後我俩連湯都冇浪費。另一個蝦醬腩肉虎夾$32，外形真係好似老虎口模樣，好有趣，包嘅質感好軟熟滑溜，夾著厚厚嘅冧冧肉，肉汁豐盛，蝦醬味香濃，加上自家製嘅香料配合，令整體吃起嚟味道更豐富，一間不大起眼嘅小店，居然有咁嘅水準，給我們遇上，真係一個緣份。最後我哋叫咗兩杯飲品，青檸梳打＄26，好清新嘅青檸 幽香，口感非常清爽。雙色莓果茶$27，賣相幾靚，莓果味甜甜蜜蜜，這個天時飲用好潤喉，茶味都好配合。