花甜囍室 (Closed)

話說，最近越嚟越多呢啲台飲店充斥香港，一條街可以有幾間賣差唔多嘅嘢嘅。咁當中有啲係中國開落嚟，一啲係台灣開過嚟，亦不乏香港人自己嘅。亦因為咁，令到呢啲鋪頭質素莨莠不齊，所以我喺連中三伏，決定開哩個ig記錄難飲嘅舖頭，同時讚吓啲心機小店。⁣__________________⁣以前，我一直以為大型台灣過江龍，應該口味唔會太差，但原來我錯了。⁣⁣呢間花甜囍室，據說係台灣嘅快好月圓無。我見舖頭裝修幾靚，宣傳設計又好，一直心絲絲想試好耐，點知一試不得了。。。 ⁣⁣薑汁琥珀（$26）呢杯係我飲過最恐怖嘅嘢飲，誇張啲講呢杯仲恐怖過咳藥水。唔知點解，呢杯嘢除咗薑咩有啲chok喉之外，係滲透啲奇怪嘅苦味，之外就咩味都冇。😨個味exactly完全係茶餐廳啲茶再加啲薑汁咁。😓原本諗住寒冬下有杯熱嘢飲好幸福，點知難飲都咁，真係想死。😭順帶一提，我見老細kup杯蓋之前，杯嘢得八成滿，不過都好，至少我倒都倒得少啲，環保啲。🤗 ⁣⁣洛神了梅（$24）首先我係叫咗走冰嘅，點知一嚟到，就見到係冰啊哈利！仲有上面粉紅色啲嘢原來只係泡，即係又可以裝少啲，又一cheap技。👏不過老實講，影相係靚嘅。講番味道，其實普通酸酸嘅