花甜囍室 (Closed)

太子站地鐵一出就見到間新飲品店，試下過江龍啦。花現黑糖戀上厚鮮奶 $32好hit既黑糖鮮奶，飲過好多間，包括大家追個d！依間特別表明用明治4.3特濃牛奶外，再加鮮奶油。搖8下就成杯白雪雪喔。無得減甜，因為話只係黑糖珍珠甜，珍珠係小珍珠，喜歡波霸珍珠既我都滿意既！哈哈！小的關係更易煮得軟，介乎係啫喱糖同軟糖之間咁。唔好睇少小珍珠，份量都多。一吸都幾粒上，飲到最後個啖都係咁！冰既比例少d會更好，依加奶度夠，但未到超香濃！小柚柚苿莉綠茶 $32葡萄柚綠茶之合作，可少冰少甜，由客人話事。水果茶係最解渴清新。一般西柚都怕苦苦味，佢加左甜將依個問題減少左。苿莉係綠系茶，清香味道，不濃不搶過西柚風頭。最大杯係佢啦，有排慢慢飲。薑汁歐蕾 $28冬天就是要來一杯，由返返17度。latte叫法，以奶為多。樣子平平無奇咁。薑味非常重，微辣，爆奶香。比黑糖牛奶重奶味。外賣袋好特別，相信係環保紙？好吸精，好多入望住。