掌門精釀啤酒

Open Now

Now Closed

Bookmark咗呢間台灣過江龍手工啤酒好耐，有晚喺旺角食完飯想搵下場，就過嚟飲啤酒。餐廳走工業風格，面積唔大座位唔多只有五六張枱。水泥牆上嘅黑板係手工啤酒餐牌，足足有成廿款咁多。啤酒拼盤可以自選六杯，每杯細細杯，啱晒貪心想試多幾款嘅人。一共有成廿款啤酒的確令人花多眼亂，餐牌上有寫清楚每款嘅風格、酒精濃度、苦味值等等，可以根據自己喜好選擇。我哋揀咗以下呢六款:「6 大桃殺」同 「13 百香檳檳」分別加入咗蜜桃同百香果新鮮果汁，酒精濃度同苦味較低。前者好香蜜桃味口味清爽，後者百香果味突出帶微酸。「7 愛你一萬年」同「14 小人退散」都係IPA，特色係用咗大量啤酒花，酒花香濃郁而苦味比較重。兩款飲落都帶有花香同果汁感。「8 黑柑橘」係濃郁重口味嘅黑啤，酒精濃度有成9.1%，飲落有咖啡、朱古力同柑橘味。「19 閃電」好特別，有陣好熟悉嘅花椒麻味，啖啖譚仔味🤣 如果鍾意食譚仔麻辣米線可以試下呢個！除咗啤酒多選擇，送酒小食嘅選擇都好多。除咗常見嘅炸物，仲有好多台式小食，例如鹽酥雞、台灣香腸、麻辣鴨舌等等。掌門出招拼盤(二人)，包括迷你漢堡、炸牛腩、炸軟殼蟹、芝士球同炸薯角，好豐富而且份量多迷你掌