水巷茶弄

Open Now

Now Closed

最近發現旺角開左台灣過江龍手搖飲品【水巷茶弄】。見招牌好醒目又唔係太多人，我同fd就試下。宜家仲有聖誕限定女啤啤同男啤啤樽仔。寒天愛玉小紫蘇：店鋪推薦必飲！顔色粉粉嫩嫩好吸引，甜度固定但唔會太甜，寒天有咬口、愛玉軟糯、小紫蘇脆脆，鍾意有野咬一流。其他茶飲店無呢個選擇，非常特別，推薦。奶蓋金萱茶：金萱茶非常清香、好解渴。再加微微鹹既奶蓋又加左唔同味道，唔會太單調。黑糖珍珠鮮奶：黑糖味濃，鮮奶超級濃，就算加左冰都唔會好水，而且珍珠煙靭。黑鑽粉粿奶茶：都係鋪頭推薦，奶茶都係屬於奶同茶都濃既style。粉粿有D似仙草質地，但唔係仙草既味道好特別，而黑鑽係咖啡啫喱，加入奶茶唔會蓋過個味，又幾特別。蔓越莓寒天冰茶：之前睇台灣youtuber介紹蔓越莓好飲，所以叫，但個人覺得味道就遜色少少，當然寒天就不錯。